Математика пәні апталығының ашылу жиыны «Тәуелсіз ел тірегі-білімді ұрпақ»

Математика пәнінен ашық сабақтар

Математика пәні апталығының ашылу жиыны

 «Тәуелсіз ел тірегі-білімді ұрпақ»

Математика пәні апталығының ашылу жиыны

1-жүргізуші: Құрметті оқушылар мен ұстаздар! Бүгінгі «Математика» пәні апталығының ашылу жиынына қош келдіңіздер!

2-жүргізуші: Ұлы мереке  — Тәуелсіздігіміздің 21 жылдығымен тұспа-тұс келіп отырған бұл апталық «Тәуелсіз ел тірегі – білімді ұрпақ» тақырыбымен өткізіледі.

1-жүргізуші: Күні кеше Елбасымыз өзінің интерактивті лекциясында «Терең білім – тәуелсіздігіміздің тірегі, ақыл-ой – азаттығымыздың алдаспаны» деген болатын. Ендеше терең білімді бойымызғы сіңіру арқылы еліміздің өркендеп өсуіне, тәуелсіздігіміздің тұғырлы болатынына үлес қосатынымызды естен шығармауымыз керек.

2-жүргізуші: Алғашқы сөз _____________________________________________________

_____________________________________________________________________________

____________________________________________________________________беріледі.

 

1-жүргізуші: Математика пәнінің кереметтігін, құпия сырын өлең жолдарымен жеткізетін 9 сынып оқушыларын ортаға шақырамыз.

 

1.Математика – 1,2,3…натурал саннан тарайды,

Алгебра сырын ашсам деп,

a,b,c,d әріптер жан – жағына қарайды.

Үшбұрыш, төртбұрыш, конус пен цилиндр,

Геометриялық денелер нүкте менен түзуді арғы атасы санайды.

Синус пенен косинус, тангенс пен котангенс

Жүрген жерде паңданып сұлуға өзін балайды.

Үшбұрыштар Бәйтеректе көз ұшында көрінген,

Пирамида орын алған Астананың төрінен.

Математика күллі әлемді өз тілінде сөйлетіп,

Білімнің нұрлы шуағы шар тарапқа тарайды.

 

  1. Үш деген сан киелі ғой қазақта,

Қарасаңшы міне осындай ғажапқа.

Үшқоңырдай жайлауы бар елімнің

Елбасындай ұл сыйлаған қазаққа!

Тәрбиелеп біліммен ұрпақтарын,

Қазағым бесіктен ақ берген білім.

Ұқтырып жеті санының кереметін,

Әр сөзінен дананың терген ілім.

 

  1. Симметрия ұғымын пайдаланып,

Ою — өрнек бұйымына сызғызған.

Заңдарын Пифагордың басшылыққа ап,

Таңғажайып зәулім үйлер тұрғызған.

Ғылымдардың патшасы атанған,

Евклид, Фалес, Пифагордан бата алған,

Төзбейтін өтірікке жалғандыққа!

Жасықтан емессің сен қаталдансың

Ақыл – ойды тәртіпкек келтіретін

Нағыз пән математика атанғансың

 

 

 

 

1-жүргізуші: Құрметті оқушылар бір апта бойы өз жалғасын табатын апталықтың бағдарламасымен сіздерді таныстырып өтейік.

 

2-жүргізуші:

Дүйсенбі 10 желтоқсан:

  1. Апталықтың ашылу салтанаты
  2. Математикаға байланысты ребустар байқауы. Бұл байқауға оқушылар апта бойы қатыса алады.

 

1-жүргізуші:

Сейсенбі 11 желтоқсан::

  1. «Ең үздік оқушы дәптері» көрмесі
  2. «Математикалық таңғажайыптар алаңы» ойыны
  3. «Математик болғың келе ме?» ойыны

 

2-жүргізуші:

Сәрсенбі 12 желтоқсан::

  1. ««Жай бөлшектерді азайту» тақырыбында ашық сабақ
  2. «Бақытты сәт» ойыны
  3. «Жұлдызды сағат» ойыны

 

1-жүргізуші:

Бейсенбі 13 желтоқсан::

  1. «Үшбұрыштың ішкі бұрыштарының қосындысы» тақырыбында ашық сабақ
  2. «Негізгі тригонометриялық тепе – теңдіктер» тақырыбында ашық сабақ

 

2-жүргізуші:

Жұма 14 желтоқсан:

  1. «ХХІ ғасырдың жас математигі» интеллектуалдық ойыны
  2. Көңілді тапқырлар сайысы

 

1-жүргізуші:

Сенбі 15 желтоқсан:

  1. Оқушыларды марапаттау.

 

2-жүргізуші: Жиынды Елбасының сөзімен аяқтағымыз келіп отыр:

Сендер, тәуелсіз қазақ елінің білімді жастары, өз соқпақтарыңды салып, оны елді дамуға бастайтын даңғылға айналдыруға тиіссіңдер!

 

1-жүргізуші: Ел болашағының баянды болмағы, баста бұлықсыған білім мен қолда ойнаған еңбекке байланысты. Ендеше, білімдерің толыссын! Еңбектерің жансын!