Заттың қимылын білдіретін сөздер. Наурыз-жыл басы
Сабақтың тақырыбы: Заттың қимылын білдіретін сөздер. Наурыз-жыл басы.
Сабақтың мақсаты: 1. Заттың іс-қимылын білдіретін сөздермен таныстыру
және сұрақтар қоя білуге үйрету. Қазақша жыл атаулары
және ретімен таныстыру.
- Ертегі мазмұнын аша отырып, жазу және оқу сауатын,
сөйлеуін, есте сақтауын дамыту.
- Ұқыптылыққа, тианақтылыққа, жануарларды сүюге тәрбиелеу.
Сабақтың түрі: Ертегі сабақ.
Типі: Жаңа білім беру.
Көрнекілігі: Электронды сабақ жоспары, суреттер.
Сабақ барысы:
I.Ұйымдастыру кезеңі.
Оқушылардың назарын сабаққа аудару.
-Бүгінгі сабағымыздың проблемасы: Қазақша жыл қайыру білеміз бе?
Осы сұраққа жауап іздеу үшін, бүгінгі сабағымызда жыл басына таласқан хайуанаттар туралы ертегінің мазмұнын аша отырып, жаңа сабағыиыздың мақсатына жету үшін бірнеше жұмыс түрлерін жүргіземіз.
II.Өткен сабақтағы білімдерін тиянақтау.
-Экранға назар аударамыз.
Орман. Ұйқысынан оянған қоян жан-жағына қарап, біреулерді іздейді. Қоянды бір сұрақтар мазалайды. Сол сұрақтарға жауап беруге біз көмектесіп жіберейік.
-Кім? Кімдер? сұрақтары қандай сөздерге қойылады?
-Не? Нелер? сұрақтары қандай сөздерге қойылады?
-Қандай сөздер бас әріппен жазылады?
-«Орман» сөзіне дыбыстық талдау жаса.
Сұрақтарға жауап тапқан қоян қуанғанынан әндетіп билей жөнелді. Бұл дауысты естіген әр түрлі жануарлар жинала бастады.
Олар қоянға қосылып билеп кетеді. Бидің аяғында жануарлар сағаттың ұрған дыбысын тыңдап тұрып қалады.
«Бұл не? Иә, бұл-келе жатқан Жаңа жыл, біз осы үшін шақырылған екенбіз ғой….».
Жыл басы тек мен болам,-
Деп хайуанаттар таласты.
Өз-өздері мақтанып,
Уәждары жарасты.
Жылды қарап тұрайық,
Ойын-сауық құрайық.
Ең бұрын көрген батырды
Жыл басы деп ұғайық.
III.Жаңа сабақ.
-Мына сөйлемдерге назар аударайық.
Тақтада және дәптерде орындау. Әр сөзге сұрақ қою.
Қоян биледі. Жануарлар жиналды.
«Мө» деп мөңіредім,
Молшылық төңірегім.
Жыл басы боламын деп,-
Ертерек келіп едім.
Түйе, Түйе, Түйемін,
Жануармын киелі.
Кім таласар бойыма,
Жыл басына иемін.
Алысқа шауып барамын,
Адамның бабын табамын.
Пайдасы мол Жылқымын,
Жыл басы мен боламын!
Өлеңдерді оқушылар кезек оқып отырады.
Сиыр жайылды. Жылқы кісінеді. Түйе жүк тасыды.
Сөйлемдерді жазады, сұрақ қойылады.
Ырр, ырр, Барыспын, Барыспын,
Бәріңе таныспын, таныспын.
Айналама сыйлымын, сыйлымын,
Сезімсізбен алыстым, алыстым.
Ұлу деген мықтымын,
Жарқын-жарқын шықты үнім.
Ойым озар өзімнен,
Ақыл, ой бар сөзімде.
109-жаттығу.
1.Әңгімені оқып, қарамен жазылған сөздерге сұрақ қойыңдар.
Шешесі жұмысқа кетті. Сара тауықтарға жем шашты. Гүлдерге су құйды. Сонан соң тамақ пісірді. Шешесі жұмыстан оралды. Ол қызының ісіне қуанды.
Ережемен жұмыс.
Не істеді? Не қылды? Қайтті? сұрақтарына жауап беретін сөздер заттың қимылын, іс-әрекетін білдіреді: оқыды, жазды, жүгірді, жүзді, жылтырады.
Бә,Бә,Бә мен Қоймын,
Көк шөпке тойдым.
Жыл басы болуға
Кетіп тұр ойым.
Маймыл мен жылан биледі. Қой шөпке тойды.
Сөйлемдерді ауызша талдау.
Қо,қо,қо,қо,қоқ,
Жыл әлі неге жоқ?
Жұмыртқамды жегесін,
Барлық бала тоқ.
Абалап үремін,
Үй қорып жүремін.
Адамның көмекші
Досының бірімін.
Тауық жұмыртқалады. Ит үрді.
IV.Сергіту сәті.
-Жыл басы болуға қоянның да, доңыздың да қатты ойы кетеді.
Алақай,алақай,
Күнді көрдім, алақай!
Қулығыммен, ақылыммен
Бәрін жеңдім, алақай!
-Тышқан өзі жануарлардың ішіндегі ең кішкентайы болса да қалай күнді бірінші көрді?
Барлығың да қараңдар,
Енді үйге тараңдар.
Жылды көрген тышқанды
Жыл басы деп санаңдар!
V.Танымдық жұмыс
Түйе сеніп бойына,
Қалған ұмыт жылдардан.
Жатпа қарап, мойыма,
Талма, именіп ділмардан.
Өлеңдегі әр сөздің бірінші әрпі жыл санау ретін және атын білдіреді.
VI.Сабақты қорытындылау.
- Не істеді? Не қылды? Қайтті? сұрақтары қандай сөздерге қойылады?
- Биыл қай жыл?
- Жыл басы не?
Тышқан, сиыр, барыс, қоян,
Ұлу, жылан, жылқы, қой,
Мешін, тауық, ит, доңызды.
Санап, жаттап, біліп қой!
Өлең жолын хормен оқытып, сабақты пысықтау.
VII.Үйге:
110-жаттығу. Наурыз-жыл басы.
VIII.Бағалау.
Сабақты аяқтау.