Ғарышқа ұшу
Тақырыбы: Ғарышқа ұшу
Мақсаты:
Білімділік мақсаты:оқушыларды мәтінді түсініп оқуға үйрету, ғарыш жайында білімдерін кеңейту,жаңа мағлұматтар беру.
Дамытушылық мақсаты:оқушылардың сөздік қорын молайтып,ойлауға,тіл байлығын арттыруға,шығармашылық қабілеттерін дамыту.
Тәрбиелік мақсаты:арышқа өте білімді,денсаулығы мықты спортпен үзбей шұғылданатын адамдар ұшатынын ұқтыра отырып,еңбек сүйгіштікке,патриоттық сезімдерін оята отырып тәрбиелеу.
Көрнекілігі:Т.Әубәкіровтың,Т.Мұсабаевтың,ғарыш кемесінің суреті,слайд.
Түрі:танымдық аралас сабақ
Әдісі:Түсіндіру,сұрақ-жауап,ойын.
Сабақтың барысы:
1.Ұйымдастыру.Психологиялық дайындық.
Үлкенге де сіз,
Кішіге де сіз.
Сәлем беріп сіздерге
Құрметпенен біз.
Оқушылар назарын сабаққа аудару.
Балалар бүгін ана тілі сабағы ерекше сабақ.Өйткені,аудан мектептерінен көптеген апайлар келіп отыр.Қонақты жақсы қарсы алып,ризалап шығарып салу халқымыздың бұлжымас қағидасы іспеттес.Олай болса,сабақты жақсы өткізуге атсалысайық.
«Өте жақсы» орындаған оқушыларға күндей күлім қақсын деп күн бейнесін,
«Жақсы» орындаған оқушыларға ғарышқа самғаған Тоқтардай бол деп ғарыш кемесінің бейнесін беремін.
2.Ой қозғау.Жалпы өтілген,материалды еске түсіру
«Мен не білемін?»
1-қатар.
-Ы.Алтынсарин кім? (алғашқы ұстаз)
-Ш.Уәлиханов кім? (саяхатшы,зерттеуші ғалым)
-А.Байтұрсынов кім? «әліппенің атасы)
-А.Құнанбаев кім? «ұлы ақын)
2-қатар
-Әл-Фараби кім? «ұлы ғалым)
-Үш биді атаң? «Төле би,Қазыбек би,Әйтеке би)
-Абылай кім? (қазақтың басын қосқан хан)
Мен айтқан сөзге сұрақ қой:
Ұшақ (не?),ұшты (не істеді?)
Осы сөздерді пайдаланып,сөйлем құрастырыңыз.
3.Жаңа сабақ: «Ғарышқа ұшу»
Мағынаны ашу.
Күміс қанат сұңқары,
Көкке еркін сүңгиді,
Бұлттан да тым әрі,
Кеткен жанды кім дейді? (ғарышкер)
Балалар,біз бүгін ғарыш,қазақтың тұңғыш ғарышкері Тоқтар Әубәкіровпен танысамыз.12-сәуір ғарышкерлер күні.
Т.Оңғарбайұлы Әубәкіров 1946 жылы Қарағанды облысы Қарқаралы ауданында дүниеге келді.Қазақтың тұңғыш ғарышкері.Қазақтан шыққан тұңыш сынақшы ұшқыш.Қазақыстан Республикасының Халық қаһарманы. 1991 жылы 2-қазанда Т.Әубәкіров (Союз ТМ-13) кемесімен 8 тәулікке ғарышқа ұшты. 1994 жылы 1-шілдеде қазақтың екінші ғарышкері Т.Мұсабаев ғарышқа сапар шекті.
Мәтін «Ғарышқа ұшу»
-Мәтінді оқып беріп,түсіндіру
-Сөздік жұмыс.(1961 жылы,т.б)
-Тізбектей оқыту.
Ғарыш кемелері біздің қазақ жері Байқоңырдан (Қызылордадан) ұшырылады.Осы Байқоңырға арналған Е.Ерботиннің «Байқоңыр» өлеңін оқып шығайық.
Байқоңыр
Ғарышкерлер мекені-
Қазақ жері Байқоңыр.
Қай жер саған жетеді,
Ғажап жерім Байқоңыр!
Өлеңді оқушыларға оқыту.
4.Сергіту сәті:
Бала,бала балақан
Қане,қайсы алақан.
Саусақтарың әйбат,
Былай,былай ойнат.
Топ-топ басайық,
Жалаудан күн жасайық.
Жаса-жаса алтын күн,
Жаса-жаса алтын күн
5.Дәптермен жұмыс.
Көркем жазу минуты.
Қолға қалам алайық.
Дәптерімізді ашайық.
Түп-түзу боп отырып,
Көркем етіп жазайық.
Бір жолға бас әріпті және кіші әріпті жаздыру.К,к әріпін жаздыру.
158-жаттығу.Өлеңді көшіріп жазу.
Байқоңыр
Ғарышкерлер мекені-
Қазақ жері Байқоңыр.
Қай жер саған жетеді,
Ғажап жерім Байқоңыр!
6.Ойын «Ұшты,ұшты»
Ұшты,ұшты,арба ұшты,
Ұшты,ұшты қарға ұшты.
Ұшты,ұшты кітап ұшты,
Ұшты,ұшты ұшақ ұшты.
7.Деңгейлік тапсырмалар
1-деңгей
Батырлық туралы мақал-мәтелдер.
1.Ердің екі сөйлегені өлгені.
2.Батыр бір өледі,
Қорқақ мың өледі
3.Жаңбыр жауса-жер ырысы,
Батыр туса-ел ырысы.
4.Шешен сөз бастар,
Батыр қол бастар.
5.Ердің атын еңбек шығарады.
2-деңгей
Ғарыш кемесіндегі сұрақтарға жауап беру.
1.12-сәуір қандай күн?
2.Жердің пішіні қандай?
3.Жұмбақ
Ақ сандығым ашылды
Ішінен жібек шашылды. (күн)
3-деңгей
159-жаттығу. «Кім болам?» тақырыбына әңгіме жазу.
8.Сабақты бекіту. «Мен не үйрендім?»
1.Тұғыш қазақ ғарышкері кім?
2.Ғарыш кемесі қай қаладан ұшырылады?
- Сабақты қорытындылау,бағалау.
Орындалған тапсырмалардың нәтижесіне қарай бағалап шығу.Бүгінгі сабақты қорытындылай келе, «Білгенін сұрап,үйренген-ғалым,білмегенін арланып,сұрамаған өзіне-залым» деп әр нәрсені біліп,танып жүруге ұмтылайық дегім келеді.