Тік бұрышты параллелепипедтТік бұрышты параллелепипедтің, текшенің көлемі. Көлемнің өлшем бірліктері.ң, текшенің көлемі. Көлемнің өлшем бірліктері.

Күні:

Сабақтың тақырыбы: Тік бұрышты параллелепипедтің, текшенің көлемі. Көлемнің өлшем бірліктері.

Сабақтың мақсаты: дененің көлемі және көлемнің өлшем бірліктері туралы түсініктерін қалыптастыру.

Сабақтың міндеттері:

Білімділігі: көлемнің жаңа өлшем бірліктерімен таныстыру және олардың арасындағы қатынасты қою.

Дамытушылығы: оқушылардың ой-өрісін дамыту.

Тәрбиелігі: бірігіп жұмыс істеуге тәрбиелеу.

Сабақтың түрі: дәстүрлі сабақ

Сабақтың типі: жаңа сабақ

Сабақтың әдісі: сұрақ-жауап, түсіндіруі, нұсқау беру

Сабақтың тәсілі: жекелік, жұптық

Сабақтың көрнекілігі: текше, параллелепипед

Пәнаралық байланыс: еңбекке баулу

Сабақтың барысы:

1. Ұйымдастыру кезеңі. Оқушыларды сабаққа әзірлеу, Құрал-жабдықтарын тексеру,
2. Психологиялық дайындық

Біз, балалар, көңілді,

Жайнатамыз өмірді!

3. Үй тапсырмасын тексеру
4. Жаңа сабақ

Бүгінгі жаңа тақырыпты атауын оқу үшін өрнектердің мәнін тауып, жауаптарды кему ретімен жазу керек.

Көркем жазу минуты.

— 57 615 санын жазыңдар. Сандағы толық ондықтар (5 761), жүздіктер (576), мыңдықтар (57), ондық мыңдарды (5) атаңдар. 800 000 санын жазыңдар. Жүздіктер (8 000), мыңдықтарды (800) атаңдар.

— Артық фигураны тап. Тақтаға суреттер ілінеді. Текшенің неге артық екенін дәлелдейді (барлық фигуралар — жазық, ал текше – көлемді)

Оқушыларға көлемдері әр түрлі қораптар көрсету.

-Осы қораптарды салыстырыңдар. Олардың қайсысы үлкен? Қораптарды шамалары бойынша салыстырған кезде біз көлемі туралы айтамыз. «Көлем» деген сөзді қалай түсінесіңдер? Оқулықтан «көлем» анықтамасын оқытқызу.

Көлемді қалай өлшеуге болады? Қандай өлшем бірліктерін пайдалануға болады? (Кішкентай қорапты алып өлшеп, үлкен қорапқа осындай кішкене қораптардың қаншасы сыятынын білу керек). Ал егер біз енді басқа көлемдегі қорапшалармен өлшесек, осындай көлемнің шамасы шыға ма? Ал өлшенген қораптың көлемі өзгере ме? (жоқ). Көлемнің қандай өлшем бірліктері бізге таныс? (см³)

№1(ә) тапсырмадағы салыстыру жұмысы орындалады. Атаулы сандарды салыстыру үшін, оларды бірыңғай өлшем бірліктеріне өрнектеу керек.

№2 тапсырманы орындау кезде, оқушылар көлемнің өлшем бірліктерінің арақатынасын дауыстап айтып отырады.

Оқулық форзацынан 10 санының және бір таңбалы сандардың квадраты мен кубы мәндері салыстырады.

№5 тапсырмада ауданы мен қабырғаларының бірі белгілі тіктөртбұрыштың периетрі мен белгісіз қабырғасын табу керек.

5. Сергіту сәті.

Ұзын мұртты құмырсқа,

Келе жатыр жұмысқа.

Онға қарады,

Солға қарады.

Алдында тұрған кішкентай дәнді,

Үлкен тау деп ойлады.

6. Оқулықпен жұмыс.

№6 есеп бойынша өрнектер құрастырылады.

№7 тапсырма оқушыларға өздік жұмысы ретінде беру.

№8 тапсырманы 1 бағанды тақтаға шығып орындау.

№9 тапсырманы екі тәсілмен шығару. Оң жақ сол жақтағы әртүрлі сандарды бос орынға қояды. Тиімді қосылғыштарға топтау тәсілі.

7. Сабақты қорытындылау.

— Сабақта біз не үйрендік?

8. Үйге тапсырма. №4,№8 (2,3 баған) Шығармашылық деңгей: тік бұрышты параллелепипедің үлгісін жасап, оның көлемін есептеу.
9. Бағалау