Сан есім (қайталау)

Сабақтың тақырыбы: Сан есім (қайталау)

Сабақтың мақсаты:

1.   Білімділік:             Сан есімнен алған білімдерін пысықтау. Сан есімді

сөйлем ішінен тауып, оған дұрыс сұрақ қоя білуге

үйрету. Сауатты, таза  жазуға дағдыландыру. Цифрмен

берілген сан есімдерді жазумен жаза білуге үйрету.

2. Дамытушылық: Сөз таптары туралы ой өрісті дамыту.

3.Тәрбиелік:   Оқушыларды ұйымшылдыққа , ізденімпаздылыққа,

шығармашылықпен жұмыс істеуге  тәрбиелеу.

Сабақтың көрнекілігі: слайдтар, тірек-сызбалар.

Сабақтың түрі: қайталау сабағы.

Сабақтың әдісі: сұрақ-жауап, көрнекілік, ізденіс

Пәнаралық байланыс: Әдебиеттік оқу, математика

Сабақтың барысы:

І.Ұйымдастыру кезеңі

а) амандасу, түгендеу

ә) сынып тазалығына мән беру

б) оқушылардың көңіл күйіне назар аудару

ІІ. Үй тапсырмасын сұрау және оларды бағалау.

ІІІ. Көркем жазу.  Сс әрпін жазу.

Сегіз қырлы, бір сырлы.

1. IV. Жаңа сабақ.

«Ассоцация» құру

«Сөздің әрбір дыбысынан сөз тудыру жұмысы» әрбір дыбысынан сан жазып шығу.

тоқсан                                    жеті                                        қырық

Түс             сегіз                     Жас           сексен                  Қас            сегіз

үш                                          алты                                       алпыс

1. Оқулықпен жұмыс.

1- жаттығу: Сөздерді оқып сан есімдерді теріп жазу.

3- жаттығу: Көп нүктенің орнына сан есімдерді қойып жаз.

Шығармашылық жұмыс.

1.Бір ғасырда … жыл бар.

Бір тәулікте … сағат бар.

Бір жылда … ай бар.

Бір айда … күн бар.

Бір аптада … күн бар.

2. Сандарға тиісті жалғауды жалғап сөзбен жазу, сөз құрамына талдау.

Өрмекшінің 8 аяғы бар. Ат жарысында Жалғастың аты 1 келді. Сыныптан спорттық жарысқа 7 оқушы қатысты. Асқар 5 үй, 16 пәтерде тұрады.

3. Берілген сан еімдер мен зат есімдерді байланыстырып сыз.

Сан есімдер:                              Зат есімдер:

Отыз екі                                        тіс

Он                                                 орын

Үшінші                                         минут

Алпыс                                           ғасыр

Жиырма бірінші                          саусақ

Сан есімге байланысты мақалдарды жазып, талдау.

Тоқсан ауыз сөздің тобықтай түйіні бар.

Жүз теңгең болғанша,

Жүз досың болсын.

Бір тал кессең, он тал ек.

Білекті бірді жығады,

Білімді мыңды жығады.

Жұмбақ.

Бес ін, бес іннің аузы-бір ін (қолғап)

Өзі төрт қанатты және алты аяқты,

Сөйтсе де тік ұшақтың көшірмесі сияқты. (инелік)

Он көзі бар өзінде,

Он цифр бар көзінде.

Көзіне саусақ саласың,

Жырақтан хабар аласың. (телефон)

Жұмбақтардың шешуін дыбыстық талдау жасау. (Әр қатарға бір сөз)

VІ. Сабақты бекіту:

Тест тапсырмалары:

1. Сан есім қандай сұраққа жауап береді?

а) қандай? қанша?    ә) не? нешінші?    б) қанша? неше?

2. Сан есімді көрсетіңдер?

а) бес     ә) есептік    б) белсенді

3. Сан есім нешеге бөлінеді?

а) есептік, реттік, қатарлық    ә) қатарлық, кезектік   б) есептік, реттік

4. Сан есімді көрсетіңдер:

а) бес, сана, ұйықта     ә) елу бес, жас, кәрі     б) қырық, елу, жүз

5. Берілген сөздер қай сөз табына жатады? Екінші, бес, алпыс алты

а) сын есім    ә) сан есім     б) есімді

6. Жұмбақты шешіңдер:

Басында таяғы бар,

Төрт аяғы бар,

Сегіз тұяғы бар,

Иегінде сақалы бар.

а) ешкі    ә) қой    б) арқар

7. Көп нүктенің орнына керекті сан есімді жазыңдар.

Ер …  рет өледі, қорқақ ….рет  өледі.

а) бір, бесінші   ә) бір, мың    б) бір, көп

8. Қате жазылған санды белгіле:

а) онүш   ә) қырық бес     б) жиырма

9. –інші жұрнағы қай сөзге сәйкес келеді?

а) алты   ә) он    б) үш

10. Сан есім дегеніміз не?

а) бір, бесінші заттың қимылын білдіретін сөздер

ә) заттың санын білдіретін сөздер

Семантикалық картамен жұмыс.

VІІ. Үйге тапсырма. 2- жаттығу, 28бет.

VІІІ.  Бағалау.