Әдептілік — әдемілік.

Сабақтың тақырыбы : Әдептілік — әдемілік.

Сабақтың мақсаты : Адам бойындағы ұнамды , ұнамсыз қылықтарды ажырата отырып, әдеп әліппесін бойына дарыту , таным белсенділігін арттыру . Оқушыларды адамгершілікке , қарапайымдылыққа , кішіпейілдікке әдептілікке, еңбексүйгіштікке үйрету. Әдеп пен сыпайылық арқылы жаман әдеттен аулақ болуға тәрбиелеу .

Сабақтың түрі : аралас сабақ

Сабақтың әдісі : сұрақ-жауап ,талдау.

Көрнекілігі : әр түрлі суреттер ,мақалдар жазылған плакаттар , «құпия хаттар»

ойын сөздері ,асық.

Сабақтың барысы :

І. Ұйымдастыру.

ІІ. Балалар бүгінгі сабақта біз әдептілік туралы сөз етпекпіз.

Сұрақ :

— Әдептілік деген не? Оны қалай түсінесің?

— Әдепті бала қандай деп ойлайсың?

— Әдепсіз дегенді қалай түсінесің?

— Әдепсіз бала қандай болады ?

— Әдептілікті бізге кім үйретеді ?

Сонда адам бойында жақсы ,жаман қасиеттер болады екен . Бізге ақылдылық пен адалдық, қарапайымдылықты үлкендер үйретеді. Бойымызға анамыздың ақ сүтімен дариды .Біз оны түсініп ,ата-баба салт , әдеттерін үйренуге тырысамыз .Адам болатын бала барлық жақсы қасиеттерді үйреніп ,жаман мінез әдеттерден , ұнамсыз қылықтардан аулақ болуға тырысуы керек. Басқалармен қарым –қатынас жасағанда әдеп пен ақылды ұмытпайды. Осы орайда , Абай атамыз «Адам болам десеңіз» деп нені айтады. «Ананың тілін алса егер» өлеңінде не делінген еді?

ІІІ. Енді , әдептілік туралы сендер не айтар едіңдер?

Оқушылардың тақпақтары.

1-оқушы: Ата -ананың тілегі ,

Адам болып өскенің .

Адамдықтың тірегі ,

Адал болып өскенің .

2- оқушы Әдептілік дегенің ,

Әрқашанда керегің .

Әсемпаздық дегенің ,

Әуре сарсаң әлегің.

Сұлулық сыйлаған .

Сол саған пайдалы іс ,

Сауық пен кинодан .

4 — оқушы: Тәртіпті бала сүйеніш ,

Төбең бір көкке жетеді.

Тәртіпсіз бала күйініш ,

Төмендеп басың кетеді.

5- оқушы: Ұрыншақ бала жанында ,

Ұрыс пен керіс айқай – шу .

Ұстамды бала маңынан ,

Ұнамды қылық байқайсың .

6- оқушы : Шындықты сақтаймыз ,

Шыншылды жақтаймыз .

Шаршы топ алдында

Шығарып мақтаймыз.

7 — оқушы: Сыйлап сәлем беремін ,

Көршілерді көргенде .

Ізетті деп білемін ,

Үйге қонақ келгенде ,

Әдепсіз деп сөкпесін ,

Анама айтып өкпесін

8 – оқушы : Су құйдым да құманнан,

Қолына мен әкемнің .

Содан кейін оған мен ,

Орамалды әпердім .

9- оқушы: Бақшаны суарып

Келді су алып .

Самауыр қайнатып ,

Үйде де, түзде де,

Қылығы өнеге .

Ұстазы бізге де ,

Ұнайды ол неге ?

10 -оқушы: Кім үлкенді сыйласа ,

Кім үлкенді тыңдаса ,

Сыйлы болмақ өзі де

Үлкен болған кезінде.

Көрініс « Үлкенді сыйлаңдар » .

11- оқушы: Қарсы ал ерте күн көзін ,

Төсегіңді жина өзің .

Асықпай іш тамақты ,

Жалама аяқ –табақты.

Пышақты ұста оң қолмен ,

Шанышқыны ұста сол қолмен .

Нанды үгітпе, қадірле ,

Қабығымен бәрін же.

Саусағыңды сормағын,

Салдыр салақ болмағын.

12- оқушы : Салма аузыңа инені ,

Үзбе , жұлып түймені.

Ашуланбай долданып,

Жауап бергін ойланып ,

Құр бекерге қылтима ,

Болмашыға бұртима .

13 – оқушы : Іштарлыққа жол берме ,

Бақталастық , білдірме .

Мақсат қоймай алдыңа ,

Қыдырып құр қаңғыма.

14 — оқушы: Сыйла үлкен кісіні ,

Қамқорлыққа ал кішіні .

Сақта көше тәртібін ,

Бағдаршамның ал тілін .

Әдет қыл бұл ісіңді ,

Тазалап жүр тісіңді .

ІV. 1) Суреттер бойынша адамгершілік , сыпайылық ,әдептілік жайында әңгімелету . «Үлкенді құрметтеу», «Кішіге қамқорлық », «Автобус ішіндегі бала» т.б.

2 ) «Жалғастыр » ойынын ойнату. «Не істеуге болмайды?»

Мұғалім бастапқы сөзін айтып ,оқушы ойланып жалғастыруы керек.

* Үлкендердің алдынан кесіп өтуге болмайды.

* Кішкене баланы жылатуға болмайды.

* Құстарды атуға болмайды .

* Сабақтан кешігуге болмайды .

* Сыныпта айқайлауға болмайды .

« Не істеу керек ?»

* Үлкен кісіні сыйлау керек .

* Үлкеннің тілін алу керек .

* Үлкендерге сәлем беру керек.

*Оқу құралдарын күтіп ұстау керек.

3 ) «Сырлы хаттарға» жауап беру .

4) «Тыйым сөздерді айтып жарысу .

Қорытынды : Сонымен , балалар, біз бүгін не туралы әңгімелеп , көрініс қойдық?

Әдептіліктің ең бірінші белгісі не?Жаман әдеттен аулақ болып, әдепті бала болыңдар.