«Мәңгілік естен кетпес отты жылдар !»

Тәрбие  сағатының  тақырыбы: «Мәңгілік  естен кетпес отты жылдар !»

Мақсаты : оқушыларға  патриоттық  тәрбие  бере  отырып  өз  Отанын                                                                                                                                   сүюге  білім  мен тәрбиені  игеруге  үйрету. Ер есімі – ел  есінде,  халқымыздың  жүрегінде  мәңгі  сақталуына  азаттық  үшін жарық  дүниемен  қоштасып,бізге  мәңгілік  шырақ  жаққан  қаһарман  ұл,қыздарына  әрқашан  тағзым  етуін  насихаттау.Оқушылардың  ой-өрісін  дүниетанымын  кеңейту,сөздік  қорын  молайту  жұрт  алдында  еркін  ауыз  екі  сөйлеуге  баулу.

Техникалық  көрнекіліктер :   видео   материалдар,   плакаттар,   суреттер.

Көрнекіліктер : нақыл   сөздер,  мәңгілік   алау   от   макеті,  суреттер   көрмесі .

Сабақтың  барысы.

Ұйымдастыру  кезеңі.   Мұғалім  сөзі.

Жеңіс!  Осы  бір  сөз  әрбір  адам  үшін  қасиетті!

Жеңіс деген сөзді халқымыз 4 жыл бойы  күтті  емес пе?От пен жалынға        оранған 1418  күн  мен  түн  кімнің  есінен  шығар  дейсің? 1418  күннің  әр  бір  сағаты,әр минуты,қауіп –қатерге  толы  болғанын  қолына  қару  алып  соғысқа  аттанған аталарымыз   жақсы  біледі .Жеңіс  оңай  келген  жоқ.Бүкіл  еліміз  жұдырықтай жұмылып  жауға  қарсы  тұра  білудің  арқасында  ғана  мүмкін  болды.Ер азаматтар майдан  даласында  су  кешіп  жаумен  бетпе – бет  соғысса,тылда  қалған  қарт адамдар,аналар,жас  балалар  ер  азаматтардың  орнын  басып  еңбек  етті .

1-жүргізуші. Сәлеметсiздар  ма,құрметті  ұстаздар, қонақтар, ата-аналар, оқушылар!

2-жүргізуші.  Сіздерге  сұрапыл  жылдардың  отты күндерін  еске  түсіріп,соғыстың  тек  қана  азап  пен  қантөгіс  екенін  мойындата  отырып,Ұлы  Отан  соғысында құрбан  болған    аталарымыз  бен    әкелер іміздің  мәңгі  жас болып  жадымызда  сақталған  жауынгерлер  рухына,бейбіт  кезеңде  өткен  ардагер лер  аруағына  бүгінде  ортамызда  жүрген  Ұлы  Отан  соғысының  ардагерлердің  құрметіне  арналған «Мәңгілік  естен  кетпес  отты  жылдар!»  атты  әдеби  мерекемізді  ұсынамыз.

Би : Бір  топ  оқушылар.

«Тыңдаңыздар,тыңдаңыздар!  Сөйлеп  тұрған  Москва!   Бүгін   22  маусым  күні  таңғы  сағат  4-те  неміс  басқыншылары  Кеңес Одағының  мемлекеттік  шекарасын  басып  кірді….»  дауыс  баяулай  бастайды.(Священная  война)  әні  орындалады. (1 бала  Соғыс  деп  сыртта   жүгіріп  келеді.)

1-келіншек.  «Соғыс,соғыс»  дейді, естідіңдер   ме?

2-келіншек.  Сұмдық-ай,соғыс  дей  ме?   Енді  қайттік?  Күніміз  не  болар  екен?

3- Ақ  жаулықты  ана .  Қойыңдар,жамандық  шақырмаңдар!  Ел  шетіне  жау  тисе,  арқа     сүйер  азаматтар   бар  емес  пе ?!

4- қария.         Ат  басына  күн  туса,

Ауыздықпен  су  ішер.

Ер  басына  күн  туса,

Етігімен   су   кешер, —  деген. Жыламаңдар!

Көз   жастарыңды   тыйыңдар!

5- Ер  азамат.      «Отан  үшін  отқа  түс, күймейсің»  деген  дана  халқымыз. Ел  қорғауға   ер  намысымен   аттанған   біздің  алдымызда  үлкен  бел  жатыр.  Туған  елдің  келешегін   сақтауға  біз  міндеттіміз!  Ендеше  отан  үшін  аттанайық!

4- қария.                  Уа    халқым!

Күн  туды  сенің  басыңа,

Жау  кірді  сенің  жеріңе

Сұм  фашистен  қорғауға,

Аттан, халқым, майданға!

НЕМЕРЕ :                   Аттан !  -деді,

Ол  қазір  аттанады,

Жауынгердің  рөлін  атқарады,

Неге  бізге  үмітсіз  тесілесің?

Аттан ,  әке

Жолыңнан  кешігесің

Кеудесінде   жаны  бар   пақырларың

Тауып  жейді  сенсіз  де  несібесін.

Әкесі :                          Тыңда, балам,тыңда  күнім,

Болуға  жара  қолқанат

Кәрі  анам, сәби  інің  —

Барлығы  саған  аманат.

Әжесі :                          Оралшы  аман  жеріңе

Көрісші  туған  еліңмен

Келін – ау, көздей  қалтаға

Топырақ  салып  беріп  жібер

Келін  :                        Кебін  киген   өледі ,

Кебенек  киген  келеді,

Үлкен  үйден  дәм  татса,

Кешікпей  дейді  келеді

ӘН.                МАЙДАНҒА.

1-жүргізуші.  Жау!  Олар  қорқақтар  сияқты  түнде  басқыншылықпен  бейбіт                 халыққа  шабуыл  жасады .Бұл  1941  жылдың  22  маусымы  еді.

2-жүргізуші.  Елге  қатер  төнді.  Ел  үстіне  найзағай    ойнап  қара  бұлт  қаптады. Сол  бір  сұрапыл  соғыс  басталған  күннен  бері  талай  жылдар  өтсе  де, халық  жадындағы  ауыр  күндер  ешқашан   ұмытылмақ  емес.Біздер  сол  кезде  біздің  өміріміз   үшін  жанын  қиған  солдатты  ұмытуға   құқымыз  жоқ.Біздер  барлығын  есте  сақтауға                                                         міндеттімі

КӨРКЕМ        СӨЗ .

Ән .  Кекті    бала .

1-жүргізуші.                  Аламын  деп  Москваны

Дұшпан  зулап  демігеді.

Соған  бәлкім  асығады

Соған  бәлкім  желігеді.

2- жүргізуші.                Мұндай  жойқын  арпалысты

Кім  бар  көрген  бұрын-соңды

Шамырқанды, қасарысты

Беріспеді  болаттай  сом.

Көрініс.        «  Москва  түбіндегі  шайқас».

(Соғыс  кезіндегі  атыс  жарылыс  дауыстары,сахнада  кеңес  әскерлері)

Мамонов    Капитан   Момышұлы,  жан   шақыруға   шамамызды  келтірмей  фашистердің       өрттей   қаулап  келе    жатқанын   байқадыңыз   ба? Бауыржан  Момышұлы (бинокльмен  қарап) Қырығының  өзі  де, көзі де  батыр-ау ! Сержант      Мамонов  жауынгерлер  ұрысқа  дайын   ба ?

Мамонов:            Сіздің  бұйрығыңызды  ғана  күтіп  отырмыз.

Бауыржан   Момышұлы : Онда,сержант Мамонов  тірескеннің  тізесін  бүктірейік!

Жау    әскерлерінің   көзін  жояйық»!  Алға !

Барлығы:    Отан  үшін  алға! Ел  үшін,жер  үшін!  Ура!Ура!  Жасасын  қызыл  Армия!

БИ.             Смуглянка.

1-жүргізуші.     Ленинград   қоршауда   қалғанда   туысқан  республикалардың        барлығы  тылдан  көмектесті. Жыр  алыбы  Жамбыл  атамыздың «Ленинградтық  өренім» өлеңі  қорғаушыларға  күш, қуат   дем  берді.

2-жүргізуші.   Мәскеуге  шабуыл  жасаумен  бірге  фашистер  Ленинградты  басып     алуға   ұмтылды. Қала  тұрғындары  тәулігіне  200 гр, кейіннен  150 гр  нанды  талшық   етті.    Ленинградты      қорғаушылар  16  ай,  яғни  900 күн  блокада  аштық  азапқа  шыдап,    қаланы  жау  езгісінен   сақтап  қалды.

1-жүргізуші.         « Ленинградтық   өренім! »

2- жүргізуші.     Жеңістің  әні  не  деген  сазды, көркем еді. Майдан  шегінде

Шырқалған  әндердің  бірі «Катюша»  әнін  қабыл  алыңыздар .

Ән .   Катюша .

Монолог .      Әкені    сағыну .

1-жүргізуші.    « Жеңісті  жақындатқан  хаттар.»

«Бауырым,Әнуарбек,Райхан,Баян!  Қағаз   жүзінде  қолдарыңды  алып  амандастым,

ауру – сырқаудан    аман – есен  жүріп  жатырсыңдар  ма? Ал  менен  амандық  күт –

—  сеңдер ,бәрі  жақсы.Батысқа  бара  жатырмыз.Отанды  жаудан тазартамын,алдыма     міндет        қойып  отырмын,батыр  боламын,бұдан  басқа  не  айтамын,орныққан   соң   хат  жазармын   фронттан. Хош – хош  жандарым.осы  хатты Новосибирскіден  жазып   отырмын.»

Сәлеммен:   Бекқожа.    1941 жыл

                                           Жазайын  хат,туып  өскен  еліме,

                                Күміс  қапты,алтын  дәнді  жеріме.

                                «Елді  қорға,жауға  берме»,-деп  сенген,

                                Хат  жібердім,Отаныма,еліме.

                               Сәлем  бізден  үлкен,кіші  ағаға,

                               Туған  жерім,қалам  менен  далама.

                               Дана  болған  бабаларым  жасасын,

                                Мың  рахмет  бізді  туған  анаға !

Сәлеммен:     Өтеев  Шаймухамбет,    Қасымов   Бөкен,     Аханов   Бақтияр

2-жүргізуші  .         Қазақ  ақындарының  соғыс  туралы  өлеңдері .

1-жүргізуші.

Сүйінші, халқым, сүйінші

Шүйіншіге   сүйінші.

Шаттан,ата-анамыз

Шаттан ,  ата – бабамыз

Кек  қайтарып  фашистен

Соғыс  бітті  жеңіспен

Жеңдік  жауды  күресте

Жасалсын   той – мереке .

Хор .     Ақ      көгершін

2-жүргізуші .  Жеңістің  66  жылдығына  арналған «Мәңгілік  естен  кетпес  отты

жылдар»  атты  мерекелік  әдеби-сазды  қойылымызды  аяқтаймыз.

1-жүргізуші .  Еліміз  аман,жеріміз  сау, ұрпағымыздың  болашағы  жарқын  болсын. Іргелі  ел  Қазақстан  көркейе  берсін.!

Қорытынды .  Мұғалім  сөзі .

Жеңіс  бізге  оңайлықпен  келмеді,

Жастық  күйреп,халық  сиреп  көнерді.

Жарақат  алғандардың  күшіменен

Өркендеттік  өмір  менен  өнерді .