Бала тілі-бал

Аяулым өзінің сәби кездерін еске алғанды ұнатады. Бір күні оның туылған сәтін еске алып, әңгімелесе бастағанда,

-Тоқтай тұрыңдар, мен туғанда тақыр бас болсам, менің қыз екенімді қалай біліп қойдыңдар ,- дегені.

***

Үйде 2 бала, ұлы Абылай 11 де, қызы –Баян 4 те. Абылай Баянға жан -жақты қамқорлық жасайды, тамақтандырады, ертегі айтады, жуындырады ….не керек бәрін істейді, біз оған дән ризамыз. Бір күні Баян шағым айтып келді.

-Мама, Абылай енді маған ештеме үйретпей- ақ қойсын, маған болмайтын нәрселерді айтады.

-Сонда не деді….?

-Мыңға дейін санауды үйретем дейді.

***

Әсем 4 жас

-Мама, мен Ерболға үйленгім келеді!

-Мұны саған Ербол айтты ма?

-Жоқ. өзім. Мама, сонда сендер қайда тұратын боласыңдар?

***

Бірде ауылдан қалаға келдік. Автобуста қарсымызда орыс қызы 2-3 жасар отырған .

-Мама, мына қыз кіп-кішкентай болып орысша соғып отыр ғой — дейді.

****

Үйде мамасы 3 жасар қызымен рольге бөлініп ойнап жатады. Мамасы ешкі, қызы лақ.

Сол сәт жұмыстан папасы келіп, шешініп жатады.

Үйден,:

-Козел! Сок әкел-деген қызының даусын естігендегі папасының түрін көрсеңіз…………

***

Қонақтан кеш келе жатқан папасы мен баласы. Алдарынан қысқа юбка киген қыздар кездеседі.

Папсаы:

-О, мыналар өздеріне пәле іздеп жүр –ау-депті.

Біраз жүрген соң, бір топ қызу жігіттер кездеседі.

Баласы:

-Міне пәлелердің өздері-де дайын дейді .

****

Мама , өзіңіз мені сөйлеуге, жүруге сонша еңбектеніп үйреттіңіз ғой. Енді неге, «тыныш отыр», «сөйлей берме»- дейсіз?