Мағынасы қарама-қарсы сөздер

Сабақтың  тақырыбы: Мағынасы  қарама-қарсы  сөздер

Сабақтың  мақсаты:

білімділік: Мағынасы қарама-қарсы сөздерді меңгерту және сөз мағынасына   мән беруді үйрету,түсіндіру.

дамытушылық: Оқушылардың есте сақтауын және тілін,сөздік қорын дамыту.

тәрбиелік: Тез ойлауға,дұрыс шешім қабылдауға, сауатты жазуға,бірін-бірі сыйлауға тәрбиелеу. Халық педагогикасын дәріптеуге үйрету.

Сабақтың түрі: Аралас сабақ

Сабақтың әдістері: Түсіндіру, сұрақ-жауап, топтастыру,ішіне-сыртына

Сабақтың көрнекілігі: Интерактивті тақта,видио,слайдтар,суреттер

Күтілетін  нәтиже: Сөздің қарама-қарсы мағынасын жетік білетін тұлға қалыптастыру.

Пәнаралық байланыс: Дүниетану,ана тілі,музыка

Сабақтың жоспары:

1. Ұйымдастыру кезеңі
2. Оқушылардың назарын сабаққа аудару.
3. Психожаттығу.
4. Үй тапсырмасын тексеру

Сурет  бойынша әңгіме  құрастыру

• Жаңа сабақ

1. Ой сергек
2. «Жамбыл даңғылына» шырша ағашын отырғызамыз.
3. «Абай даңғылына» қайың ағашын отырғызамыз.
4. «Төле би» көшесінің бойына туя ағашын отырғызамыз.
5. Таспа тыңдау.
6. «Қазыбек би» көшесіне имен ағашын отырғызамыз.
7. Сергіту сәті
8. «Әйтеке би» көшесіне терек ағашын отырғызамыз.
9. «Кім жылдам»  ойыны
10. Сабақты қорытындылау.

«Ішіне-сыртына» әдісі

1. Үйге тапсырма.
2. Оқушыларды бағалау.

Сабақтың барысы:

1. Ұйымдастыру кезеңі

• Балалар,бүгінгі сабағымызға  қонақтар  келіп  отыр.Қонақтарға көрсететін  өзіміздің  білімімізді  жинақтап  алайық, олардың  алдында  ұятқа қалмайық. Бар білімімізді  көрсетейік.

Қуан,шаттан!

Қуан,шаттан!

Қуанатын күн бүгін.

Қайырлы  таң!

Қайырлы  күн!

Күліп  шықты  күн  бүгін!

1. Үй тапсырмасын тексеру.

68-жаттығу. Қыстырма  сөзді  пайдаланып,суретпен әңгіме құра.

—Қыстырма  сөз дегеніміз не?

-Қыстырма  сөзге  мысал  келтір?

-Сөйлемдегі  қыстырма  сөзді  тауып, оны  дәлелде?

• Жаңа сабақ

Ой  сергек

• Балалар, бәріміз терезеге қарайықшы,қазір жылдың қай мезгілі? Күз.
• Күз мезгілі туралы не айтуға болады?
• Күзде қандай еңбек түрлері жасалады? Күзде жеміс-жидектерді жинаймыз,ағаш отырғызамыз.

Ал, олай болса  слайдқа назар аударайық. Слайдта еңбектің түрі көрсетіліп тұр. Суретті кім әңгімелеп  береді? Осы суреттегі қарама-қарсы сөздерді  табайық.

жақсылық-жамандық

еңбекқор-қатыгез

жақсы-жаман

мейірімді-мейірімсіз

Сонымен, қарама-қарсы сөздер дегеніміз- олар бір сөз табынан болады және олардың  мағыналары  бір-біріне  қарама-қарсы болады.

Осы суреттегі  Марат  сияқты біз де өз  қаламыздың ең үлкен деген көшелеріне ағаштар отырғызайық. Ағашты отырғызбас бұрын тапсырмалар орындаймыз.

Дәптермен жұмыс.

7-жаттығу. Өлеңді мәнерлеп оқы. Қарама-қарсы сөздерді тап.

Қызғалдақтың  қасына                      Енді тимен оған мен,

Қойып едім қондырмай,                    Ісіп кетті бас,шекем.

Бізін сұғып басыма                            Балы тәтті  болғанмен,

Шақты-ау ара  оңдырмай.                Тілі  өзінің  ащы  екен!

(Қадыр Мырза Әли)

Тапсырманы  орындадық «Жамбыл даңғылына» шырша ағашын отырғызамыз.

Келесі тапсырма 8-жаттығу. Мақалдарды оқып, жатқа жаз.Мағынасы қарама-қарсы сөздердің астын  сыз.

1. Мейірімді алғыс алса,

Мейірімсіз  қарғыс  алар.

2. Ақылды іс  тындырады,

Ақымақ  тіс  сындырады.

          «Абай  даңғылына» қайың ағашын  отырғызамыз.

Балалар,өте тамаша! Тапсырманы  дұрыс орындадық.Біздің мектебіміз қай көшенің бойында орналасқан. –Төле  би.

• Төле би кім болған?
• Қай жылдары өмір сүрген?

Биыл Төле би атамызға 350 жыл толды. Соның құрметіне бүкіл республика тойлады. Біздің қаламызда да көптеген іс-шаралар болып өтті.

Таспа тыңдалады

9-жаттығу. Берілген сөздерге мағынасы қарама-қарсы сөздерді тап.

Мейірімді-                                        Сұйық –

Жуас-                                                Қашық-

Қымбат-

Енді Төле би көшесіне туя ағашын отырғызамыз.

Келесі Қазыбек би көшесіне имен ағашын отырғызу қажет.

Тапсырманы орындайық.

10-жаттығу. Тек мағынасы қарама-қарсы  сөздер  жұбын теріп жаз. Неліктен  кейбір сөз жұптары  мағынасы  қарама-қарсы  сөздер  тобын  құрай  алмайтынын  дәлелде.

жақсы – жаман, жоғары-төмен, есік-терезе, әңгіме-үндемеу, оңай-қиын,үлкен-кіші.

Өзің  қалаған  сөз жұптарымен сөз тіркестерін жаса.

Сергіту  сәті:

Қазақстанда  көп  ағаш,

Жайқалады  өседі

Ең әдемі  меніңше

Тараздағы  мың  ағаш

11-жаттығу. Ішінде мағынасы  қарама-қарсы  сөздері бар мақал-мәтел  не  жұмбақ  тауып  жаз.

«Әйтеке  би» көшесіне  терек  отырғызамыз.

«Кім  жылдам»  ойыны

Ащы жеген Тазша баланың
аузы ашыды,
Тазша бала тұщы сумен
аузын шайды.

Жаңылтпашты  жатқа айтып, мағынасы  қарама-қарсы сөздерді  табайық.

1. Сабақты қорытындылау.

Ішіне-сыртына  әдісі  арқылы  сабақты  қорытындылаймын.

         Ішіне                                                       Сыртына

жуан-жіңішке,әдемі-сұлу, көркем-таза, үлкен-кіші,қалың-қатты, аласа-биік, ұзын-қысқа, суық-ыстық, жақын–алыс,байсалды-сабырлы, бет-жүз.

1. Үйге тапсырма.

12-жаттығу. Мәтінді оқы. Мәтін қандай көңіл күйге бөледі? Ашық сөзіне қарама-қарсы сөзді тап. Қарамен жазылған сөздерді мағынасы қарама-қарсы сөздермен алмастыр және құрастырған мәтініңді  жаз.

Қосымша тапсырма әдеби шығармалардан мағынасы қарама-қарсы сөздерді тауып жазу.

VI .    Бағалау.

Салыстырмалы  түрде бағалаймын

Кері байланыс:

• Балалар бүгінгі сабақ ұнады ма?
• Несімен ұнады?