Ағылшын тілі пәнінен 8-сыныпқа арналған тереңдетілген оқу бағдарламасы

Павлодар облысы, Май ауданы, Баскөл ауылы

А. Иманов атындағы жалпы орта білім беретін лицей-мектеп

Негізгі орта білім беру деңгейінің

ағылшын тілі пәнінің тереңдетілген

ОҚУ БАҒДАРЛАМАСЫ

(8 сынып)

Құрастырған: Енсебаева А.А., А.Иманов атындағы жалпы орта білім беретін лицей-мектептің ағылшын тілі пәнінің мұғалімі

2013-2014 оқу жылы
1. Түсініктеме хат

Ағылшын тілі пәнінен 8-сыныпқа арналған тереңдетілген оқу бағдарламасы Қазақстан Республикасы Үкіметінің 2012 жылғы 23 тамыздағы №1080 Қаулысымен бекітілген орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес әзірленген.

Күнтізбелік жоспар Қазақстан Республикасының Білім және ғылым министрінің 2013 жылғы 3 сәуірдегі №115 бұйрығымен бекітілген негізгі орта білім беру деңгейінің «Тіл және әдебиет» білім саласы пәндерінің оқу бағдарламасын (5-9 сыныптар) басшылыққа ала отырып құрылды.

Бұл бағдарлама оқушылардың танымдық қабілетін дамытуға және коммуникативтік құзыреттерін кеңейтуге, сөйлеу дағдыларын және әлеуметтік-мәдени біліктерін толықтырып жетілдіруге көптілді тұлға қалыптастыруға бағытталған.

Сонымен қатар, оқу бағдарламасында тілді үйретумен қатар ұлттық мәдениетті және тілін меңгеріп отырған елдің мәдениетін үйрету үрдісі, салыстырмалы түрде Қазақстан мен АҚШ-тың білім беру реформасы, ағылшындық атақты ақын-жазушылардың еңбектерін таныстыру, т.б. негізгі мәселелер қарастырылды.

Оқу жүктемесінің көлемі аптасына 4 сағат (стандарт бойынша 2 сағат, оқушы компонентінен 2 сағат), оқу жылында 136 сағат.

Көрсетілген сағат сандарына оқушылардың білім тексер үшін бақылау жұмыстары, білім бекіту үшін қайталау сабақтары енгізілген.

        Бағдарламаның мақсаты: Оқушының қарым-қатынас мәдениетін дамытуға жағдай туғызу, грамматикалық ережелерді ескере отырып, еркін таза сөйлеуге бейімдеу, үйрету.

        Міндеттері:

• сөздік қорын молайту арқылы сөйлете білу;
• оқушылардың тілдік сауаттылығын арттыру;
• шығармашылық қабілеттерді дамыту;
• оқушылардың логикалық ойлауының бірізді болуын қалыптастыру.

        Күтілетін нәтижелер

• мәтінге сүйене отырып оның негізгі мазмұнын айта алуы;
• маған ұнайды/ұнамайды деген сияқты сөздерді қолдана отырып оқығанына өз пікірін айта алуы;
• сұрақ-жауап түрінде сөйлеу;
• танысу, өзін таныстыру және жауап бере алуы;
• естігенақпарат хабарды өз тәжірибесімен салыстыру, ой елегінен өткізу, оларды бағалай білуі;
• жаңа сөздердің мағынасын пайымдай білу.

2. Оқу бағдарламасының мазмұны мен құрылымы

8-сынып курсы үшін әлеуметтік-техникалық, оқу-еңбек және әлеуметтік-мәдениеттік салалары қамтылған оқу бағдарламасына төмендегі оқу тақырыптары енгізілген:

1)       «Менің Отаным — Қазақстан», «Қазақ халқының салт-дәстүрлері», «Қазақстанның географиялық жағдайы», «Экология мәселелері (біздің елімізде және тілін үйреніп отырған елде)» (23 сағат);

2)       «Ғылыми-техникалық прогресс», «Қазақстанның ғылыми ұйым-дары», «Ғылым адамзаттың игілігі үшін», «Туынды» (13 сағат);

3)       «Білім», «Мектеп және білім беру ұйымдарының түрлері», «Қазақстандағы және АҚШ-ғы білім беру жүйесі», «Мамандық» (28 сағат);

4)       «Жануарлар және өсімдіктер әлемі (біздің елімізде және тілін үйреніп отырған елде)», «Релефь, АҚШ-тың экономикалық және географиялық жағдайы» (40 сағат);

5)       «Ағылшын тілді елдер», «АҚШ-тың саяси-әлеуметтік құрылымы», «АҚШ-тың атақты адамдары және олардың әлемдік мәдениет пен өркениетке қосқан үлестері» (32 сағат).

8 сыныпта лексикалық бірліктер көлемі стандарт бойынша 250 және 130 өнімді лексикалық минимумдар қосылады: олардың ішінде көп қолданыстары тұрақты сөз тіркестері, бағалау лексикасы,  ағылшындардың дәстүрін суреттейтін сөйлеу этикетіндегі клишелер.

Оқушылар төмендегідей  жаңа сөзжасам құрылымдарын меңгере білуге тиісті.

Жаңа сөз жасам түрлері 1)  етістіктер аффиксы –ify, en-;     зат есім – ance;-ence; 2)  қос сөздер: сын есім + сын есім 3)   қысқарған өздер: the USA, the UK.

Лексикалық минимумның орфографиясы. Мысалы exemplifying-especially, particularly, for example, such as, reason: because, due to, since, as. Предлогтар: from, to, at, in, by, into, on, off, out, out of.

Сонымен қатар жаңа грамматикалық құрылымдарды меңгеру жалғастырылады: Present Continuous Passive, Past Continuous Passive Tense, Past Future Perfect Continuous Active,  Could+ Perfect Infinitive, Should+ Perfect Infinitive, Need+ Perfect Infinitive;  Second Conditional; Participle One, төл сөз бен төлеу сөз; есім сөздер that, which. where, when; If only, I wish.

Оқытудың коммуникативтік бөлімі бойынша оқушылар диалогтық сөйлеуді әрі қарай бірдеңені сұрай білу, біреуден сұрағанына жауап беру, іс-әрекетке қызығушылығын білдіріп, сөйлесу дағдыларын дамытуға тиісті. Өзінің ойын 70-80 сөз көлемінде айта және жаза білуі керек.

Өзінің бірдеңеден алған әсерін білдіру, арманын, ойын, қалауын жеткізе білу. Кітаптың немесе фильмнің желісін айтып бере алу, өз ойын білдіру.

3. Оқу-тақырыптық жоспар

І тоқсан (36 сағат)

4. Білім мен біліктілікке қойылатын талаптар

Оқушылар:

• тақырып ауқымындағы қатысымдық жағдаяттарға қажетті актив және пассив сөздерді біледі;
• қысқа монолог құрайды;
• қысқа мәтіннің мазмұнын көрнекілік негізінде жеткізеді;
• сәлемдесу, қоштасу, алғыс айту, кешірім сұрау және басқа да тілдік этикеттерді қолданады, сұхбатқа қатысады (тақырып бойынша қойылған сұрақтарға жауап береді);
• қарапайым мәтіндерді есту барысында танып және оның негізгі мазмұнын ажыратады;
• хабарлы, сұраулы, лепті сөйлемдердің интонациясын мағынасына қарай түсінеді;
• ағылшын тілінің барлық  дыбыстары мен  дыбыс тіркестерін дыбыстай алады және  оларды  естігенде  бір-бірінен ажыратады (бағдарлама шеңберінде);
• ауызша сөйлесімде 8 сынып тақырыптарының шеңберінде үш сала бойынша (әлеуметтік-тұрмыстық, әлеуметтік-мәдени, оқу-еңбек) лексикалық  бірлікті қолданады;
• who, what, when, where, how much сұрақтарын қолданып сұрақ қояды және оған жауап береді;
• коммуникативті мәселеге сәйкес сөз/сөйлем орындарын толықтыру тапсырмаларын жасайды;
• орта білім беру деңгейінде әр түрлі жағдаяттарда ағылшын тілді ортадағы сөйлеу этикасын біледі және қолданады.

5. Пайдаланылған әдебиеттер

1. Жалпы білім беретін мектептің 5-9 сыныптарына арналған «Тіл және әдебиет» білім саласы пәндерінің оқу бағдарламасы – Астана, 2013.
2. Республикалық ғылыми-әдістемелік журнал – Ағылшын тілі мектепте, 2010-2012.
3. Голицынский Ю.Б. Пособие по разговорной речи, — Санк-Петербург: Каро, 2004.
4. Кауфман М.Ю., Кауфман К.И. Страницы британской истории, — Огнинск: Титул, 2004.