Сабақтың тақырыбы: «Төртбұрыштар» тақырыбын қайталау

Сабақтың тақырыбы: «Төртбұрыштар» тақырыбын қайталау

Сабақ міндеттері:

Білімділік: Формулаларды пайдалана отырып, теориялық  білімдерін толықтырады, есептерді талдай білуге, түсіне білуге үйренеді.

Дамытушылық: алған білімдерін есептер шығаруда қолдана білу бейімділіктерін қалыптастырады.

Тәрбиелік: Оқушылар ұйымшыл болуға, топпен жұмыс істейге, жауапкершілікке, тиянақтылыққа үйренеді.

Сабақтың түрі: Қорытындылау сабағы.

Әдісі: Сын тұрғысынан ойлау, семинар-практикум.

Сабақ барысы:

1.Ұйымдастыру. Оқушыларды түгендеу. Сыныпты топқа бөлу.

2. Негізгі бөлім.

І-кезең. Қызығушылықты ояту.

Әр топқа сұрақтар беріледі, сол бойынша оқушылар өз топтарымен ассоциациялық карта сызады, яғни қағазға  таңдап алған фигураларына қатысты барлық мәліметті бірлесіп жазып шығу керек.

І-топ. Трапеция.

ІІ- топ. Параллелограм.

ІІІ–топ. Ромб.

ІҮ –топ. Квадрат.Тіктөртбұрыш.

ІІ –кезең. Есептер шығару.

Ауызша:

№1. (ауызша есепте). Ромбының бір бұрышы 50 градусқа тең. Ромбының қалған бұрыштарын тап.

№2. (ауызша есепте). Параллелограмның екі бұрышының қосындысы 170⁰. Параллелограмның бұрыштарын тап.

№3. (ауызша есепте). Тіктөрбұрыштың қабырғалары 14 см және 19 см. Тіктөртбұрыш периметрін тап.

№4. (ауызша есепте). Параллелограмның бір қабырғасы 10 см, ал оған түсірілген биіктігі 6 см. Параллелограмының ауданын тап.

Есептеу есептері:

№1. Көршілес қабырғалары 2см және 5см параллелограмның ауданы 5см². Параллелограмның  биіктіктерін табыңдар.

№2. Трапецияның орта сызығы 7см, табандарының бірі екіншісінен 4см-ге артық. Биіктігі 6см. Ауданын тап. 

№3. ABCD параллелограмының А төбесінен жүргізілген биссектрисасы ВС қабырғасын Е нүктесінде қиып өтеді. ВЕ=7 см, ЕС=5 см болса, параллелограмның периметрі неге тең?

№4. В бұрышы 600 және АС=10,5см болатын АВСД ромбысының периметрін табыңдар.

ІІІ-кезең. Тест тапсырмасы.

1. Төртбұрыштың барлық бұрышы келесісінен екі есе үлкен. Төртбұрыштың бұрыштарын табыңдар.

А. 14⁰; 28⁰; 56⁰; 112⁰.    В. 24⁰; 48⁰; 96⁰;192⁰.   С. 18⁰; 36⁰; 72⁰; 144⁰.

2. Теңбүйірлі трапецияның бір бұрышы 68⁰. Трапецияның қалған бұрыштарын табыңдар.

А. 68⁰; 122⁰; 68⁰; 122⁰.    В.68⁰; 68⁰; 68⁰;68⁰.   С. 68⁰; 112⁰; 68⁰; 112⁰.

3. Трапецияның периметрі 48см, параллель емес қабырғалары 15 см мен 13см. Трапецияның орта сызығын табыңдар.

А. 12см;             В. 10см.                С. 20см.

4. Трапецияның орта сызығы 8см, ал бір табаны 6см. Басқа табаны неге тең?

А. 12см;             В. 10см.                С. 20см.

5. Ромбның бір диагоналі қабырғасына тең болса, оның бұрыштарын есепте.

А. 60⁰; 120⁰; 60⁰; 120⁰.     В.80⁰;100⁰; 80⁰; 100⁰.    С.30⁰; 60⁰; 30⁰; 60⁰.

Кілті: ВСВВА

ІҮ-кезең. Сергіту сәті. Үшбұрыштардан фигуралар құрастыру. Бұл кезеңде алдын ала қиылып дайындалған теңбүйірлі тікбұрышты үшбұрыштардан /әрине, бүйір қабырғасының өлшемін айтып кету қажет/ белгілі өлшемге сәйкес фигуралар, төртбұрыш, квадрат, трапеция, параллелограм құрастыру керек. Топ болып сайысады.

Мысалы, 1. Биіктігі 4 см болатын трапеция; 2. Табандары   12 см және  4 см болатын трапеция; 3. Бір бүйір қабырғасы  8 см  болатын  тік бұрышты трапеция; 4. Табандары  4 см және  25 см болатын трапеция. Әр топқа: Ауданы 32см²-ге тең  бірнеше фигура құрастыру керек.

Ү-кезең. Кестені толтыр./интерактивті тақтаны қолдана отырып, оқушылар кестені толтыру керек/

Қосымша есептер:

Параллелограмның қабырғалары 4 см және           см. Егер оның ауданы 12 см² болса, онда параллелограмның сүйір бұрышын табыңдар.

ҮІ-кезең. Тарихи мәлімет.

3. 3. Қорытындылау. Бағалау.