Рационал сандарды салыстыру
Сабақтың тақырыбы: Рационал сандарды салыстыру
Сабақтың мақсаты:
А) Білімділік Координаталық түзуде үлкен сан оң
жақта, ал одан кіші сан сол жақта
кескінделетінін, кез келген оң сан 0-ден
және кез келген теріс саннан үлкен
болатынын, кез келген теріс сан 0-ден
кіші болатынын меңгерту.
Ә) Дамытушылық Раионал сандарды салыстыра білу, оң
және теріс сандарды жалпы түрде жаза
білу дағдысын жетілдіру.
Б) Тәрбиелік Оқушыларды сабақ барысында өз бетімен
жұмыстануға, шапшаңдыққа, дәлдікке
тәрбиелеу.
Сабақтың түрі: Аралас сабақ
Сабақтың әдісі: Үшөлшемдік әдістемелік жүйе
Сабақтың көрнекілігі: Интерактивті тақта, слайдтар, жұмыс
дәптері
Сабақтың жүрісі:
|
«Көпір» тапсырмалары
Теориясы: Білу Кім? Не? Қашан? Қайда? Не істеді?
Түсіну Неліктен? Себебі?
Жинақтау Қорытынды шығар, анықтама бер.
Практикасы: Қолдану
Баға беру Сен қалай ойлайсың?
Теориясы: Білу
Практикасы: Қолдану
Теориясы: Түсіну Талдау
Практикасы: Қолдану
Практикасы: Баға беру | І кезең 1. Ұйымдастыру 2. Өткен сабақты қайталау: 1. Оң сандар дегеніміз не? Мысал келтір. 2. Теріс сандар деп қандай сандарды айтамыз? Мысалы? 3. Оң санға да, теріс санға да жатпайтын сан бар ма? 4. Координаталық түзу дегеніміз не? 5. Қарама-қарсы сандар деп қандай сандарды айтамыз? 6. Бүтін сандарға қандай сандар жатады? 7. Рационал сандар жиынына қандай сандар кіреді? 8. Рационал санның модулі дегеніміз не?
ІІ кезең
Оқулықты пайдалана отырып, жаңа тақырыпты өз бетіңізбен меңгеріп көріңіз: І. Координаталық түзу бойында үлкен сан . . . жақта, ал одан кіші сан . . . жақта кескінделеді. Мысалы: -5 … 5; 1 … -3.
ІІ. Кез келген оң сан нөлден . . . және кез келген теріс саннан . . . Мысалы: 2,5 … 0; 2,5 … -5; … 0; 1,7 … -8.
ІІІ. Кез келген теріс сан 0-ден . . . және кез келген оң саннан . . . Мысалы: — 4 … 0; -5 … 2; -3 … 2,5; -2 … . Рационал сандарды салыстыруды пайдаланғанда: 1) Егер а – . . . сан болса, ол жалпы турде былай жазылады: а > 0. 2) Егер b – . . . сан болса, ол жалпы турде былай жазылады: b < 0.
ІҮ. Екі теріс санның қайсысының модулі . . . болса, сол сан үлкен. Мысалы: |-11| … |-3|; онда -11 … -3; |-2,4| … |-7| онда -2,4 … -7. Теріс санның және оң санның жазылуын пайдалансақ, санның модулінің анықтамасының жазылуы мына түрде болады: |а| = а, егер а > 0 немесе а = 0 болса, |а| = — а, егер а < 0 болса, немесе
1. Координаталық түзу бойында сандар қалай кескінделеді? 2. Қандай сандар 0-ден үлкен? 3. Қандай сандар 0-ден кіші? 4. Берілген қандай да бір теріс сан мен оң санның қайсысы үлкен? 5. Теріс сандар модульдері бойынша қалай салыстырылады?
Тақырыпты қорытындылап, мынаны есте сақтаңыз!
1. Салыстырыңдар: А) -128 бен -235 Ә) 0,2 мен -11,2 Б) -10,3 пен 9,8
2. Теңсіздіктердің қайсысы дұрыс? Себебін түсіндір.
ІІІ кезең (кері байланыс – бағалау кезеңі) Деңгейлік тапсырмаларды біртіндеп орындаңыз. Оқулықпен жұмыс. Барлығы – 12 балл
І деңгей (5 балл) 1. № 383. Сандарды 0 санымен салыстырып, теңсіздік түрінде жазыңдар: 1) 4; -7; 8; -1. 2)
2. № 386. Мына сандарды салыстырып, нәтижесін > немесе < белгісі арқылы жазыңдар:
1) 8,7 мен 7,8 ; 4) -6 мен -11 ; 2) -4,1 мен 2 ; 5) -18 бен -1,8 ; 3) 2,9 бен -920 ; 6) -100 бен 0 .
ІІ деңгей (5 балл + 4 балл = 9 балл)
1. Сандар модульдері бойынша қалай салыстырылатынын түсіндір.
2. № 394. Салыстырыңдар:
ІІІ деңгей (5 балл + 4 балл + 3 балл = 12 балл)
1. № 399. Салыстырып, жұлдызшаның орнына тиісті теңсіздік белгісін қойыңдар:
Шығармашылық тапсырма:
1. 86 санын ешқандай жазу жазбай 12-ге арттыр. 2. Корзинадағы 7 алманы 7 қызға тең бөліп берді. Бірақ, корзинада 1 алма қалды. Бұл қалай? 3. Әсем поездың басынан санағанда 7-нші вагонға отырды. Марина поездың соңынан санағанда 7-нші вагонға отырды. Сонда қыздар бір вагонда болды. Поезда неше вагон болғаны?
Тапсырма: №384, №390, №391.
|