Графикалық редакторының сурет салу құралдары

Ашық сабақ

Пәні: Информатика

Күні: 19.12.2014 ж.

Сыныбы: 5 “А”

Сабақтың түрі: Аралас сабақ

Сабақтың тақырыбы: Графикалық редакторының сурет салу құралдары.

Сабақтың мақсаты:

Білімділік: Оқушыларды Paint графикалық редакторының сурет салу құралдарымен және олардың мүмкіндіктерімен таныстыру.

Тәрбиелік: Ұқыптылыққа, тиянақтылыққа тәрбиелеу, пәнге деген қызығушылығын арттыру. Дамытушылық: Логикалық тапсырмалар арқылы оқушылардың ой – өрісін дамыту, компьютерде Paint редакторының құрал – саймандарымен сурет салуды үйрету.

Сабақта қолданылатын көрнекті құралдар: интерактивті тақта, компьютер, оқулық, жұмыс дәптері, суретті кестелер, бағалау парағы.

Сабақтың өту барысы:

Оқушыларды ұйымдастыру
Үйге берілген тапсырманы тексеру
Жаңа тақырыпты түсіндіру
Тапсырмаларды орындау
Сабақты бекіту
Үйге тапсырма беру

Өткен материялды қайталау сұрақтары:

Графикалық редактор дегеніміз не?
“Paint ” сөзі ағылшын тілінен аударғанда қандай мағына білдіреді?
Графикалық редактор бізге не үшін қажет?
Расторлық бейнелер неден тұрады?
Paint редакторын қалай іске қосамыз?

Жаңа тақырыпты түсіндіру:

Оқушылар екі топқа бөлініп түстер бойынша тақырыптар таңдайды.

Таңдалған түстер бойынша сәйкестендіру кестесін толтырып, оны қорғайды (7 минутта аяқтаулары қажет).

Әр топқа техникалық диктант таратылады, оны орындап, талдайды.

Сергіту сәті: Бауырсақ

Тапсырмалармен жұмыс

1 — тапсырма

Оқушылар өз қалауы бойынша суреттердін біреуін, Paint редакторында салады және салынған сурет ішіне текст енгізеді.

2 – тапсырма

Шыршаның суретін салып, оның бірнеше көшірмесін шығарады.

Сабақты бекіту сұрақтары:

Түзу сызық сызу әрекеті қалай орындалады?
Тік төртбұрыш салу әрекеті қалай орындалады?
Дөңгеленген тік төртбұрыш салу әрекеті қалай орындалады?
Эллипс, шеңбер салу әрекеттері қалай орындалады?
Осы фигуралардың түстерін қалай өзгертуге болады?

Үйге тапсырма: Paint графиктік редакторының құралдарын жаттау.

Рефлексия (Флешка, диск, дискета суреттерін қолдану арқылы өз ойларын білдіреді).