Қасым Аманжолов «Ақын өлімі туралы аңыз»

Пәні: Әдебиет  7-сынып

Сабақтың тақырыбы: Қасым Аманжолов «Ақын өлімі туралы аңыз»

(поэмадан үзінді)

Сабақтың мақсаты:

Білімділік: оқушыларға Қасым Аманжоловтың өлеңін барынша терең меңгерту, үзінді жатқа айтқызу, поэма туралы білімдерін қалыптастыру, өлең талдауға  үйрету;

Дамытушылық: оқушылардың ойлау шеберлігін, сөйлеу мәдениетін  үзінді оқи отырып жетілдіру, поэманы талдай білуге дағдыландыру;

Тәрбиелік: поэманы меңгерте отырып Отанға, туған елге, жерге  деген сүйіспеншілікке тәрбиелеу, бір‐біріне деген қарым‐қатынасын, достықтарын нығайту.

Сабақтың әдіс‐тәсілдері:  Сын тұрғысынан ойлау технологиясын пайдалану (түртіп оқу, аялдап оқу,  Білемін,  Білдім,  Білгім келеді  семантикалық карта, РАФТ стратегиясы) мультимедиа қолдану, шығармашылық жұмыс,  әдеби теориялық ұғымдарға талдау.

Сабақтың көрнекілігі:  Портрет, кітаптар, слайдтар.

Сабақтың түрі:  Жаңа сабақ

Сабақтың барысы.

1. Ұйымдастыру. Сәлемдесу, оқушылардың сабаққа қатысымын текесеру, зейіндерін сабаққа аудару. Жаңа сабаққа дайындау.
2. «Мен ‒ қазақтың баласы» атты шағын көрініс. Оқушылар Қасым, Мұқағали, Сырбай рольдерін сомдап, өлеңдерін жатқа оқиды. Қасымның «Өзім туралы» өлеңінің әнімен орындайды.
3. Үй тапсырмасын тексеру,

Қасым Аманжоловтың өмірі мен шығармашылығы.

«Өзім туралы» өлеңін жатқа сұрау.

1. Қасым Аманжоловтың өмірі
2. Қ. Аманжоловтың шығармашылығы
3. Өзім туралы өлеңнің идеясын ашу, өлеңді шумақ, тармақ, ұйқас түрлеріне талдау. Ақынның поэтикалық тіліне талдау жасау теңеу, эпитет, метафора табу.
4. Шығармашылық жұмыс: «Сен неткен бақытты едің келер ұрпақ?» шағын эсселерін тексеру.

Жаңа сабақ. «Ақын өлімі туалы аңыз» (поэмадан үзінді).

Тақырыпты ашып өту. Бұлай аталу себебін түсіндіру.

Дәптермен жұмыс жүргізу

Абдолла Жұмағалиевтың өмірбаянын қысқаша айтып өту.

А. Жұмағалиев 1915 жылы Батыс Қазақстан облысы Сырым ауданы Жосалы аулында дүниеге келді. Ақын , аудармашы.

Кітаппен жұмыс

Поэманы «Аялдап оқу әдісімен оқу», «Түртіп оқу әдісін» пайдалана отырып әдеби теориялық ұғымдарды табу.

Теңеу:    жаздай, селдей, жардай т.б

Эпитет: алтын ошақ, алтын өмір, алтын таудай т.б

Абдолла Жұмағалиевқа мінездеме беру

РАФТ – стратегиясы бойынша оқушылар А. Жұмағалиевке немесе

Қ.Аманжоловқа әр формада өз сезімдерін білдіру (хат жазу, алғыс хат жазу, өлең түрінде жеткізу, ұстаз, ата- ана ретінде алғыс білдіру)

Жазушы Ғабит Мүсірепов  «Бұл майданнан естілген жаңа леп, қазақ поэзиясында бұрын – соңды айтылмаған жаңа ақындық сөз» деп бағалады. Бұл поэманы соғыс кезінде де, соғыстан кейін де әдебиет жұртшылығы орыс, қазақ ақын, жазушылары аса жоғары бағалаған.  Поэма «Социалистік Қазақстан» газетінің 1944 жылғы 22 маусымда 102 санында  жарияланған.

Тихонов, Соболев және басқа орыс жазушылары да айрықша бағалады.

Қорытынды:

Бүгінгі сабағымызды Тахауи Ахтановтың мына бір сөзімен қорытындылап өтсек «Ақынның адал, шыншыл мінезі өзімен бірге өлген жоқ, тамаша өлеңдерінде жүр» деп айтқандай Қасым өлеңдерімен бірге біздің арамызда.

Үйге тапсырма:   Қасым Аманжолов «Ақын өлімі туралы аңыз»  оқу талдау, үзінді жаттау.

Бағалау. Сабаққа белсенді қатысқан, үй тапсырмасын орындаған, сұрақтарға толымды жауап берген оқушыларға «өте жақсы» және «жақсы» деген бағалар қоямын.