Әр түрлі жарақаттану кезінде алғашқы медициналық жәрдем көрсету
Тақырыбы: Әр түрлі жарақаттану кезінде алғашқы медициналық жәрдем көрсету
Мақсаты: а)оқушыларға жол-көлік оқиғасы бола қалған жағдайда, әр түрлі жарақат алған адамдарға алғашқы медициналық жәрдем көрсетуді
меңгерту; ә) оқушылардың танымдық көзқарасын, зейінінің тұрақтылығын дамыту;
б) өмірге деген құштарлықтарын арттыру.
Түрі: аралас сабақ
Әдісі: көрсету, түсіндіру, әңгімелеу
Көрнекілігі: суреттер, газет қиындылары, нақыл сөздер
Сабақтың барысы
І. Ұйымдастыру кезеңі
а) амандасу, түгендеу
ә) сабаққа даярлық
ІІ. Үй тапсырмасы
- Жол-көлік оқиғасы болған жағдайды көрдіңдер ме? Сендер қандай әрекет істедіңдер?
- Дәрігер келгенге дейін қандай алғашқы жәрдем көрсете аласыңдар ма?
ІІІ. Жаңа сабақ
а) Жаңа сабақ тақырыбы мен мақсатын таныстыру
ә) Жаңа сабақ материалын меңгерту
Мұғалім: — Енді, балалар, қаламдарыңды орнына қойып, кеуделеріңді, бастарыңды көтеріп түзу отырыңдар. Мен сендерге жол-көлік оқиғасы бола қалған жағдайда, әр түрлі жарақат алған адамдарға алғашқы медициналық жәрдем көрсету түрлерімен таныстырамын. Зейін қоя қарап, тыңдай отырып, жаңа мағлұматтарды естеріңе сақтай отырыңдар.
- Интербелсенді тақтада жарақаттанған адамдарға қалай көмектесу керек?
Ол үшін жарақатты өңдеу тәсілдерін білген жөн. Жаралыларға қолданылатын асептик және антисептик дәрі-дәрмектерді білуге тиіссіңдер.
- Асептик – таза, яғни миробтарсыз деген ұғымды білдіреді. Ол үшін қолды жуып, жарақатты таза күйінде ұстауды ойластыру қажет.
- Антисептик – микробтарға қарсы химиялық дәрілерді немесе басқа да шараларды (лазер, электр тоғы, т.б.) қолданып, микробтарды өлтіру деген ұғым
ІҮ.Сабақты бекіту
- Интербелсенді тақтаға жарақатты емдеу шаралары жазылады.
- Жарақатқа ауадан, лас заттардан микробтар жұғуына жол бермеу.
- Олардың алдын алу үшін химиялық дәрілер (спирт, йод, сутегі тотығы, марганец ерітіндісі, антибиотиктер, т.б.) қолданылады.
- Жарақатты неғұрлы ерте өңдеудің және оны таңып тастаудың пайдасы өте зор.
- Ауру сезімін бәсендету мақсатында ауыртпайтын дәрілерді жарақаттанған кезде ең алғашқы жәрдем ретінде пайдаланған жөн.
- Адамның басы, омыртқа жотасы зақымданғанда оны қозғалтпау амалын қарастыру – ең алғашқы медициналық жәрдем көрсетудің негізгі шарты.
Ү. Сабақты қорытындылау
- Жараларды өңдеу тәсілдері. Асептик және антисептик шаралары.
- Жарақаттанған кезде ауруды бәсеңдету тәсілдері.
- Басты ауыртып алған және омыртқа зақымданған кездегі алғашқы медициналық көмек көрсету ережелері.
ҮІ.Бағалау
ҮІІ.Үй тапсырмасы: Жарақаттанғандарға көрсетілетін алғашқы дәрігерлік жәрдемнің түрлері қандай?